Employment Law - ადვოკატი - advokati / iuristi - იურისტი

საქართველოში უცხოელის შრომითი საქმიანობის უფლება 2026 - სრული გზამკვლევი

dadu — Thu, 26 Feb 2026 21:40:07 +0400

საქართველოში მუდმივი ბინადრობის ნებართვის არმქონე უცხოელზე შრომითი საქმიანობის უფლების გაცემის წესი

ხშირად დასმული კითხვები

რომელი სამართლებრივი აქტები არეგულირებს საქართველოში მუდმივი ბინადრობის არმქონე უცხოელის დასაქმებას ან თვითდასაქმებას?

ა) საქართველოს კანონი „შრომითი მიგრაციის შესახებ“; (დოკუმენტი იხილეთ - https://matsne.gov.ge/ka/document/view/2806732?publication=6)

ბ) საქართველოს მთავრობის 2026 წლის 20 თებერვლის №70 დადგენილება, რომელიც ამტკიცებს შრომითი საქმიანობის უფლების გაცემის წესს. (დოკუმენტი იხილეთ - https://matsne.gov.ge/document/view/6791218?publication=0

რა არის შრომითი საქმიანობის უფლება და ვინ გასცემს მას?

შრომითი საქმიანობის უფლება არის სპეციალური ნებართვა, რომელიც უცხოელს აძლევს უფლებას საქართველოში განახორციელოს შრომითი ან სამეწარმეო საქმიანობა (მათ შორის დისტანციურად).

მის საფუძველზე გაიცემა:

ა) D1 კატეგორიის საიმიგრაციო ვიზა;

ბ) შრომითი ბინადრობის ნებართვა;

გ) IT სფეროს ბინადრობის ნებართვა.

უფლებას გასცემს სსიპ „დასაქმების ხელშეწყობის სახელმწიფო სააგენტო“.

საქართველოში მყოფ რომელ კატეგორიის უცხოელებზე არ ვრცელდება „შრომითი მიგრაციის შესახებ“ კანონი?

კანონი არ ვრცელდება პირზე, რომელიც:

ა) არის ლტოლვილი, დამატებითი დაცვის ან დროებითი დაცვის მქონე პირი, რომელსაც ეს სტატუსი საქართველოს კანონმდებლობის შესაბამისად მიენიჭა;

ბ) საქართველოში რეგისტრირებულია თავშესაფრის მაძიებლად;

გ) მუშაობს საქართველოში აკრედიტებულ დიპლომატიურ წარმომადგენლობაში, უცხო ქვეყნის საკონსულო დაწესებულებაში, საერთაშორისო ორგანიზაციის კანონიერ წარმომადგენლობაში ან/და ორგანოში;

დ) არის საქართველოში კანონიერ საფუძველზე მოქმედი უცხოური მასობრივი ინფორმაციის საშუალების მიერ აკრედიტებული ჟურნალისტი საქართველოში;

ე) არის პირი, რომელზედაც საქართველოს საერთაშორისო ხელშეკრულების თანახმად ვრცელდება შრომითი მოწყობის ამ კანონით დადგენილისგან განსხვავებული წესი;

ვ) არის მოქმედი საინვესტიციო ბინადრობის ნებართვის მქონე პირი.

როდიდან მოქმედებს ახალი რეგულაციები?

ნორმები ძალაშია 2026 წლის 1 მარტიდან.

ა) უკვე მოქმედ თვითდასაქმებულებზე აღსრულების მექანიზმი ამოქმედდება 2026 წლის 1 მაისიდან.

ბ) ერთიან ბაზაში რეგისტრირებულმა აქტიურმა შრომითმა იმიგრანტებმა შრომითი საქმიანობის უფლება და შესაბამისი ბინადრობა უნდა მოიპოვონ 2027 წლის 1 იანვრამდე.

,,შრომითი მიგრაციის შესახებ’’ კანონის თანახმად, ვინ არის შრომითი იმიგრანტი?

უცხოელი, რომელსაც არ აქვს მუდმივი ბინადრობა და საქართველოში:

ა) მუშაობს ან გეგმავს მუშაობას ადგილობრივ დამსაქმებელთან (მათ შორის დისტანციურად), ან

ბ) არის თვითდასაქმებული.

ვინ ითვლება ადგილობრივ დამსაქმებლად?

საქართველოში რეგისტრირებული იურიდიული პირი, ინდივიდუალური მეწარმე, ამხანაგობა, უცხოური ორგანიზაციის წარმომადგენლობა ან საქართველოში კანონიერად მცხოვრები პირი, რომელიც იყენებს უცხოელის შრომას.

ვინ არის თვითდასაქმებული უცხოელი?

უცხოელი, რომელსაც არ აქვს მუდმივი ბინადრობა და საქართველოში დამოუკიდებლად ახორციელებს ეკონომიკურ საქმიანობას (ვაჭრობა, მომსახურება, პარტნიორობა, კონტრაქტორობა და სხვა) ფინანსური სარგებლის მისაღებად.

ვინ არის მომსახურების ორგანიზატორი?

ფიზიკური ან იურიდიული პირი, რომელიც თვითდასაქმებულ უცხოელთან აფორმებს გარიგებას, რის შედეგადაც უცხოელი იღებს ფინანსურ სარგებელს.

რა ფინანსური სანქციებია შრომითი საქმიანობის უფლების გარეშე მუშაობისთვის?

კანონის დარღვევის შემთხვევაში, დაჯარიმდება:

ა) დამსაქმებელი/მომსახურების ორგანიზატორი - 2 000 ლარი;

ბ) შრომითი იმიგრანტი - 2 000 ლარი;

გ) თვითდასაქმებული უცხოელი - 2 000 ლარი;

დ) განმეორებით შემთხვევაში - 4 000 ლარი.

შრომითი საქმიანობის უფლება მიიღება საქართველოში შემოსვლამდე თუ შემოსვლის შემდეგ?

უფლების მიღება შესაძლებელია როგორც საქართველოში შემოსვლამდე, ისე კანონიერად ყოფნის პერიოდში.

უფლება არ გაიცემა პირზე, რომელიც ქვეყანაში იმყოფება გასვლის ვალდებულების გადავადების საფუძველზე.

შეუძლია თუ არა შრომითი საქმიანობის უფლების მქონე უცხოელს ნებისმიერ დამსაქმებელთან ან სფეროში საქმიანობა?

არა.

ა) შრომით იმიგრანტზე უფლება გაიცემა კონკრეტულ დამსაქმებელთან და კონკრეტულ პოზიციაზე.

ბ) თვითდასაქმებულზე - უფლება გაიცემა კონკრეტული სპეციალობისა და საქმიანობის მითითებით.

უფლების სხვა პირზე გადაცემა დაუშვებელია.

პოზიციის, დამსაქმებლის ან საქმიანობის სფეროს შეცვლის შემთხვევაში აუცილებელია ახალი განაცხადის დაფიქსირება და უფლების ხელახლა მოპოვება.

ცვლილება განახლების გარეშე გამოიწვევს 2 000 ლარის ჯარიმას და უფლების ვადამდე შეწყვეტას.

რა არის შრომითი საქმიანობის უფლების გაცემის საფუძველი და რა კვოტებია 2026 წელს?

ა) შრომითი იმიგრანტისთვის საფუძველია შრომის ბაზრის მოთხოვნა და საჭიროებები.

ბ) თვითდასაქმებულისთვის – შესაბამისი ეკონომიკური საქმიანობის სფერო.

დაბალკვალიფიციურ ან შრომის ბაზარზე ჭარბად წარმოდგენილ პროფესიებზე შეიძლება დაწესდეს წლიური კვოტები.

2026 წლის კვოტები:

ა) შრომით/სამეწარმეო საქმიანობაზე, რომელიც უკავშირდება საკურიერო მომსახურებას, წლიური კვოტაა – 0;

ბ) შრომით/სამეწარმეო საქმიანობაზე, რომელიც დაკავშირებულია მგზავრების გადაყვანასთან, წლიური კვოტაა – 0;

გ) შრომით/სამეწარმეო საქმიანობაზე, რომელიც დაკავშირებულია ტურისტებისთვის გიდების სერვისის მიწოდებასთან, წლიური კვოტაა – 0;

დ) შრომით/სამეწარმეო საქმიანობაზე, რომელიც დაკავშირებულია ტურისტებისთვის სამთო, ალპური და სათხილამურო გამყოლების სერვისის მიწოდებასთან, წლიური კვოტა – 200.

ვის მიერ ხდება შრომითი საქმიანობის უფლების მოპოვება?

შრომითი იმიგრანტი ადგილობრივ დამსაქმებელთან შრომითი მოწყობისა და მის მიერ ანაზღაურებადი შრომითი საქმიანობის განხორციელების შემთხვევაში ვალდებულია მოიპოვოს შრომითი საქმიანობის უფლება ადგილობრივი დამსაქმებლის მეშვეობით, ხოლო თვითდასაქმებული სამუშაო უფლებას მოიპოვებს თავად.

როგორია დამსაქმებლის მიერ შრომითი საქმიანობის უფლების მოპოვების პროცედურა?

ა) ადგილობრივი დამსაქმებელი ვალდებულია, შრომითი საქმიანობის უფლების მოპოვებისთვის განაცხადის გაკეთებამდე მინიმუმ 10 სამუშაო დღით ადრე, შრომის ბაზრის მართვის საინფორმაციო სისტემაში (www.worknet.moh.gov.ge) განათავსოს ინფორმაცია იმ ვაკანტური სამუშაო პოზიციის თაობაზე, რომელზეც აპირებს დაასაქმოს შრომითი იმიგრანტი.

ბ) იმ შემთხვევაში, თუ შრომის ბაზრის მართვის საინფორმაციო სისტემაში (www.worknet.moh.gov.ge) განთავსებულ ვაკანსიაზე, 10 სამუშაო დღის განმავლობაში, სააგენტო ვერ უზრუნველყოფს ადგილობრივი დამსაქმებლის მიერ განთავსებული ვაკანსიის მოთხოვნების შესაბამისი კანდიდატურ(ებ)ის მოძიებასა და დამსაქმებლისთვის მიწოდებას, ადგილობრივი დამსაქმებელი შრომითი იმიგრანტისთვის შრომითი საქმიანობის უფლების მოპოვების მიზნით, განცხადებით მიმართავს სააგენტოს და კანონმდებლობით განსაზღვრულ ინფორმაციასა და დოკუმენტაციას (ჩამონათვალი იხ. აქ: https://matsne.gov.ge/document/view/6791218?publication=0 - დანართი N1). წარადგენს სპეციალური ელექტრონული სისტემის საშუალებით შემდეგ მისამართზე: www.labourmigration.moh.gov.ge .

გ) იმ შემთხვევაში, თუ ადგილობრივი დამსაქმებელი უარს იტყვის სააგენტოს მიერ შრომის ბაზრის მართვის საინფორმაციო სისტემაში (www.worknet.moh.gov.ge) განთავსებულ ვაკანსიაზე შეთავაზებულ კანდიდატ(ებ)ის მიღებაზე, იგი ვალდებულია შერჩევის პროცესის დასრულებიდან 3 სამუშაო დღის ვადაში, ელექტრონული ფორმით აცნობოს სააგენტოს ამის შესახებ და დაასაბუთოს მისთვის შეთავაზებული კანდიდატურ(ებ)ის დაწუნების მიზეზ(ებ)ი. სააგენტო 3 სამუშაო დღის ვადაში განიხილავს ადგილობრივი დამსაქმებლის მიერ წარმოდგენილ მიზეზებს, მიიღებს გადაწყვეტილებას შრომითი საქმიანობის უფლების გასაცემად პროცესის გაგრძელების/არგაგრძელების თაობაზე და მიღებულ გადაწყვეტილებას ელექტრონული ფორმით აცნობებს დამსაქმებელს. გაგრძელების თაობაზე დადებითი გადაწყვეტილების შემთხვევაში, დამსაქმებელი განცხადებით მიმართავს სააგენტოს და წარადგენს კანონმდებლობით განსაზღვრულ ინფორმაციასა და დოკუმენტაციას (ჩამონათვალი იხ. აქ: https://matsne.gov.ge/document/view/6791218?publication=0 - დანართი N1). სპეციალური ელექტრონული სისტემის საშუალებით შემდეგ მისამართზე: www.labourmigration.moh.gov.ge .

ზემოთხსენებული „ა“ – „გ“ ქვეპუნქტებით გათვალისწინებული პროცედურა არ ვრცელდება:

1) საქართველოს საგადასახადო კოდექსის 23-ე მუხლით გათვალისწინებულ საერთაშორისო კომპანიის სტატუსის მქონე კომპანიაზე, ასევე „ინოვაციების შესახებ“ საქართველოს კანონის 151 მუხლით გათვალისწინებულ ინოვაციური სტარტაპის სტატუსის მქონე კომპანიაზე;

2) სსიპ – განათლების ხარისხის განვითარების ეროვნული ცენტრის უმაღლესი საგანმანათლებლო დაწესებულების ავტორიზაციის და საგანმანათლებლო პროგრამების აკრედიტაციის ექსპერტთა კორპუსის წევრ საერთაშორისო ექსპერტებზე;

3) ისეთ შემთხვევებზე, როდესაც დამსაქმებლის მიერ განთავსებული მოთხოვნა ერთდროულად მოიცავს ქვემოთ ჩამოთვლილ პირობებს:

ა) ვაკანტური სამუშაო პოზიციისთვის გათვალისწინებული ყოველთვიური შრომის ანაზღაურება აღემატება 15 000 ლარს (დარიცხული თანხა);

ბ) ვაკანტური სამუშაო პოზიციისთვის დამსაქმებლის მიერ მოთხოვნილია უმაღლესი განათლება იმ სპეციალობით, რომელიც დაკავშირებულია შესასრულებელ სამუშაოსთან და ობიექტურად მოითხოვება ამ სამუშაოს კვალიფიციურად შესასრულებლად.

ასევე გასათვალისწინებელია, რომ თუ ზემოთხსენებული გამონაკლისებით გათვალისწინებული მოთხოვნის წამოყენებისას არ იკვეთება სამუშაოს კონკრეტული უცხოელის მიერ პირადად შესრულების მნიშვნელობა და აუცილებლობა, სააგენტო უფლებამოსილია ადგილობრივ შრომის ბაზარზე არსებული მოთხოვნებისა და საჭიროებების, აგრეთვე, საამისოდ მნიშვნელოვანი სხვა გარემოებების (შესასრულებელი სამუშაოს სპეციფიკა, სამუშაოს შესასრულებლად ინდივიდუალური მახასიათებლების საჭიროება, შემსრულებლის რეპუტაცია, სახელმწიფო ან საზოგადოებრივი ინტერესი ან/და სხვა ფაქტორები) გათვალისწინებით, აღნიშნულ სამუშაო პოზიციაზე გაავრცელოს „ა“ – „გ“ ქვეპუნქტებით გათვალისწინებული პროცედურა. ასეთ შემთხვევაში, სააგენტო ვალდებულია წინასწარ შეათანხმოს საკითხი საქართველოს ეკონომიკისა და მდგრადი განვითარების სამინისტროსთან, ხოლო საჭიროებისამებრ დამატებით სხვა შესაბამის სახელმწიფო დაწესებულებასთან. აღნიშნული საკითხის შეთანხმების თაობაზე ეცნობება განმცხადებელს და შეთანხმების მოპოვებამდე ამ დადგენილებით განსაზღვრული ვადების დინება ჩერდება.

სააგენტო უფლებამოსილია შრომითი საქმიანობის უფლების მოპოვებისთვის გაკეთებული განაცხადის განხილვის პროცესში ადგილობრივ დამსაქმებელს მოსთხოვოს დამატებითი ინფორმაციის წარდგენა ან/და ამ პროცესში გამოვლენილი უზუსტობის აღმოფხვრა არაუმეტეს 10 კალენდარული დღის ვადაში, რომლის წარმოუდგენლობის ან/და არ აღმოფხვრის შემთხვევაში სააგენტო შრომითი საქმიანობის უფლების გაცემაზე იღებს უარყოფით გადაწყვეტილებას და ამის შესახებ დამსაქმებელს აცნობებს ელექტრონული ფორმით.

როგორია თვითდასაქმებული უცხოელის მიერ შრომითი საქმიანობის უფლების მოპოვების პროცედურა?

თვითდასაქმებული უცხოელი:

ა) ელექტრონულად მიმართავს სააგენტოს (დანართი №2) https://matsne.gov.ge/document/view/6791218?publication=0;

ბ) წარადგენს დოკუმენტაციას;

გ) გადის სავალდებულო ვიდეოგასაუბრებას და ადასტურებს განაცხადს.

სააგენტოს შეუძლია მოითხოვოს დამატებითი ინფორმაცია (10 კალენდარული დღე). ხარვეზის არაღმოფხვრის შემთხვევაში მიიღება უარი.

რა ვადებში გასცემს სააგენტო შრომითი საქმიანობის უფლებას?

სრულყოფილი განაცხადის მიღებიდან:

ა) სტანდარტული წესით - არაუმეტეს 30 კალენდარული დღისა;

ბ) დაჩქარებული წესით - არაუგვიანეს 10 სამუშაო დღისა.

შესაძლო გადაწყვეტილება:

ა) გაცემის შესახებ;

ბ) უარის შესახებ.

უარის ან ვადამდე შეწყვეტის შემთხვევაში ხელახალი განაცხადი შესაძლებელია მინიმუმ 1 თვის შემდეგ.

რა არის უარის თქმის საფუძვლები?

ა) არასრული ინფორმაცია/დოკუმენტაცია (10 დღეში არ აღმოიფხვრა);

ბ) ვადის დარღვევით წარდგენილი გაგრძელების განაცხადი;

გ) შრომის ბაზრის მოთხოვნებთან შეუსაბამობა ან კვოტის ამოწურვა;

დ) გაძევების პროცესის დაწყება ან მიღებული გადაწყვეტილება.

შესაძლებელია თუ არა უარის გასაჩივრება?

დიახ, სასამართლოში - გადაწყვეტილების გაცნობიდან 1 თვის ვადაში.

გასაჩივრება:

ა) არ ანიჭებს მუშაობის უფლებას;

ბ) არ აჩერებს ქვეყნიდან გასვლის ვალდებულებას;

გ) არ აფერხებს გაძევების პროცესს ან მის აღსრულებას.

შესაძლებელია თუ არა ხელახალი განაცხადის წარდგენა?

დიახ. უარის ან ვადამდე შეწყვეტის შემთხვევაში განცხადება შეიძლება ხელახლა წარედგინოს მინიმუმ 1 თვის შემდეგ.

როდის შედის ძალაში შრომითი საქმიანობის უფლება და რა ვადით გაიცემა?

შრომით იმიგრანტზე/თვითდასაქმებულ უცხოელზე (გარდა ინფორმაციული ტექნოლოგიების (IT) სფეროში დასაქმებული/თვითდასაქმებული უცხოელისა) პირველ ჯერზე გაცემული შრომითი საქმიანობის უფლება ძალაში შედის ამ უცხოელის მიერ D1 კატეგორიის საიმიგრაციო ვიზის ან შრომითი ბინადრობის ნებართვის მიღების დღიდან (გარდა იმ შემთხვევებისა, როდესაც ეს უცხოელი უკვე ფლობს საქართველოს კანონმდებლობით განსაზღვრულ რომელიმე კატეგორიის ბინადრობის ნებართვას) და მისი მოქმედების ვადა განისაზღვრება ამ უფლების ძალაში შესვლის თარიღიდან 6 თვიდან 1 წლამდე ვადით.

შრომით იმიგრანტზე/თვითდასაქმებულ უცხოელზე, რომელიც შრომითი საქმიანობის უფლების მოპოვების მიზნით განაცხადის გაკეთების მომენტში უკვე ფლობს საქართველოს კანონმდებლობით განსაზღვრულ რომელიმე კატეგორიის ბინადრობის ნებართვას, პირველ ჯერზე გაცემული შრომითი საქმიანობის უფლება ძალაში შედის სააგენტოს მიერ შრომითი საქმიანობის უფლების გაცემის დღიდან და მისი მოქმედების ვადა განისაზღვრება ამ უფლების ძალაში შესვლის თარიღიდან 6 თვიდან 1 წლამდე ვადით.

ინფორმაციული ტექნოლოგიების (IT) სფეროში დასაქმებულ/ თვითდასაქმებულ უცხოელზე (გარდა იმ შემთხვევებისა, როდესაც ეს უცხოელი უკვე ფლობს საქართველოს კანონმდებლობით განსაზღვრულ რომელიმე კატეგორიის ბინადრობის ნებართვას) პირველ ჯერზე გაცემული შრომითი საქმიანობის უფლება ძალაში შედის ამ უცხოელის მიერ D1 კატეგორიის საიმიგრაციო ვიზის ან ინფორმაციული ტექნოლოგიების (IT) სფეროში დასაქმებული პირის ბინადრობის ნებართვის მიღების დღიდან და მოქმედებს ამ უფლების ძალაში შესვლის თარიღიდან არაუმეტეს 3 წლის ვადით.

ინფორმაციული ტექნოლოგიების (IT) სფეროში დასაქმებულ/ თვითდასაქმებულ უცხოელზე, რომელიც შრომითი საქმიანობის უფლების მოპოვების მიზნით განაცხადის გაკეთების მომენტში უკვე ფლობს საქართველოს კანონმდებლობით განსაზღვრულ რომელიმე კატეგორიის ბინადრობის ნებართვას, პირველ ჯერზე გაცემული შრომითი საქმიანობის უფლება ძალაში შედის სააგენტოს მიერ შრომითი საქმიანობის უფლების გაცემის დღიდან და მოქმედებს ამ უფლების ძალაში შესვლის თარიღიდან არაუმეტეს 3 წლის ვადით.

შესაძლებელია თუ არა შრომითი საქმიანობის უფლების ვადის გაგრძელება?

დიახ.

ა) დამსაქმებელი/თვითდასაქმებული ვალდებულია განცხადებით მიმართოს სააგენტოს სპეციალური ელექტრონული სისტემის (labourmigration.moh.gov.ge) საშუალებით ვადის ამოწურვამდე არანაკლებ 30 კალენდარული დღით ადრე და განაახლოს წარდგენილი ინფორმაცია.

ბ) სააგენტო გადაწყვეტილებას აცნობებს არაუგვიანეს 30 კალენდარული დღისა.

ვადები:

გ) პირველი 5 წლის განმავლობაში - ყოველ ჯერზე არაუმეტეს 1 წლით;

დ) 5 წლის უწყვეტი გაგრძელების შემდეგ - ყოველ ჯერზე 1-დან 5 წლამდე;

ე) IT სფეროში დასაქმებული/თვითდასაქმებული უცხოელი - ყოველ ჯერზე არაუმეტეს 3 წლით.

შესაძლებელია შრომითი საქმიანობის უფლების ვადაზე ადრე შეწყვეტა?

ა) ადგილობრივ დამსაქმებელსა და შრომით იმიგრანტს შორის გაფორმებული შრომითი ხელშეკრულების მოქმედების ვადის ამოწურვა ან ხელშეკრულების ვადაზე ადრე შეწყვეტა;

ბ) თუ მონიტორინგის შედეგად დადგინდა, რომ შრომითი იმიგრანტი/თვითდასაქმებული უცხოელი ფაქტობრივად არ მუშაობს/არ საქმიანობს იმ პოზიციაზე/სფეროში, რაზეც გაცემულია შრომითი საქმიანობის უფლება და სააგენტო ამის შესახებ არ იყო ინფორმირებული;

გ) თუ მონიტორინგის შედეგად დადგინდა, რომ შრომითი იმიგრანტი/თვითდასაქმებული უცხოელი ფაქტობრივად მუშაობს/საქმიანობს სააგენტოს მიერ გაცემული უფლებით განსხვავებულ პოზიციაზე/სფეროში ან განსხვავებული პირობებით და სააგენტო ამის შესახებ არ იყო ინფორმირებული;

დ) შრომითი იმიგრანტისთვის/თვითდასაქმებული უცხოელისთვის საქართველოში D1 კატეგორიის ვიზის მოქმედების ვადის გასვლა ან შეწყვეტა, გარდა იმ შემთხვევისა, თუ მას D1 კატეგორიის ვიზის მოქმედების ვადის გასვლის ან შეწყვეტის მომენტში ბინადრობის ნებართვა არ ექნება მოპოვებული;

ე) შრომითი იმიგრანტისთვის/თვითდასაქმებული უცხოელისთვის საქართველოში ბინადრობის ნებართვის მოქმედების ვადის გასვლა ან შეწყვეტა;

ვ) შრომითი იმიგრანტის/თვითდასაქმებული უცხოელის მიერ D1 კატეგორიის საიმიგრაციო ვიზის ან/და შრომითი ბინადრობის ნებართვის ან ინფორმაციული ტექნოლოგიების (IT) სფეროში დასაქმებული პირის ბინადრობის ნებართვის მოსაპოვებლად დადგენილ ვადაში განცხადების წარუდგენლობა;

ზ) შრომითი საქმიანობის უფლების მქონე შრომით იმიგრანტზე/თვითდასაქმებულ უცხოელზე D1 კატეგორიის საიმიგრაციო ვიზის, შრომითი ბინადრობის ნებართვის, ინფორმაციული ტექნოლოგიების (IT) სფეროში დასაქმებული პირის ბინადრობის ნებართვის გაცემაზე უფლებამოსილი ორგანოს მიერ მიღებული უარყოფითი გადაწყვეტილება;

თ) შრომითი იმიგრანტის/თვითდასაქმებული უცხოელის საქართველოდან გაძევების შესახებ მიღებული გადაწყვეტილება;

ი) თვითდასაქმებული უცხოელის მიერ საქართველოს საზღვრების უწყვეტად 6 თვეზე მეტი პერიოდით დატოვება.სააგენტო, შრომითი საქმიანობის უფლების ვადაზე ადრე შეწყვეტის თაობაზე, ელექტრონული ფორმით ინფორმაციას უგზავნის ადგილობრივ დამსაქმებელს და შრომით იმიგრანტს/თვითდასაქმებულ უცხოელს არაუგვიანეს 5 სამუშაო დღისა.

შრომითი იმიგრანტზე გაცემული შრომითი საქმიანობის უფლების ვადაზე ადრე შეწყვეტის თაობაზე ინფორმაციის მიღებიდან არაუგვიანეს 5 კალენდარული დღისა, ადგილობრივი დამსაქმებელი ვალდებულია შეწყვიტოს აღნიშნულ შრომით იმიგრანტთან გაფორმებული შრომითი ხელშეკრულება და სააგენტოს, შრომითი მიგრაციის სპეციალური ელექტრონული სისტემის www.labourmigration.moh.gov.ge საშუალებით წარუდგინოს შესაბამისი ინფორმაცია და დოკუმენტაცია.

ვალდებულია თუ არა დამსაქმებელი შრომით იმიგრანტთან გაფორმებული შრომითი ხელშეკრულების ვადაზე ადრე შეწყვეტის ან ცვლილების შემთხვევაში, სააგენტოს მიაწოდოს შესაბამისი ინფორმაცია?

დიახ.

ხელშეკრულების ვადამდე შეწყვეტის, ცვლილების ან ვადის გაგრძელების შემთხვევაში ინფორმაცია სააგენტოს უნდა წარედგინოს 5 კალენდარული დღეში ელექტრონული სისტემის https://labourmigration.moh.gov.ge/ საშუალებით.

სანქცია:

ა) 1 000 ლარი;

ბ) განმეორებით – 2 000 ლარი.

რა ღირს შრომითი საქმიანობის უფლება და ვინ იხდის საფასურს?

საფასური:

ა) 30 კალენდარულ დღეში გაცემის შემთხვევაში - 200 ლარი;

ბ) 10 სამუშაო დღეში (დაჩქარებული) - 400 ლარი;

გ) ვადის გაგრძელება (30 დღემდე) - 200 ლარი.

ვინ იხდის:

ა) შრომითი იმიგრანტისთვის - ადგილობრივი დამსაქმებელი;

ბ) თვითდასაქმებულისთვის - თავად თვითდასაქმებული.

გადახდა ხდება უნაღდო ანგარიშსწორებით ელექტრონული სისტემის საშუალებით.

რა პროცედურებია სავალდებულო უფლების მიღების შემდეგ?

შრომითი იმიგრანტი:

ა) თუ საქართველოში არ იმყოფება - 30 კალენდარულ დღეში მიმართავს საგარეო საქმეთა სამინისტროს D1 ვიზისთვის;

ბ) თუ საქართველოში იმყოფება - 10 კალენდარულ დღეში მიმართავს სახელმწიფო სერვისების განვითარების სააგენტოს შრომითი ან IT ბინადრობის ნებართვისთვის.

გამონაკლისი:

ა) უკვე მოქმედი ბინადრობის ნებართვის მქონე პირი;

ბ) სრულად დისტანციური საქმიანობა, რომელიც საქართველოში შემოსვლას არ საჭიროებს.

რომელი უწყებები ახორციელებენ მონიტორინგსა და კონტროლს?

ა) სსიპ დასაქმების ხელშეწყობის სახელმწიფო სააგენტო - ახორციელებს მონიტორინგს შრომითი საქმიანობის უფლების პირობების დაცვის მიზნით.

ა) დარღვევის შემთხვევაში ინფორმაცია ეგზავნება შრომის ინსპექციის სამსახურს, რომელიც აკისრებს ადმინისტრაციულ პასუხისმგებლობას (კანონის შესაბამისი მუხლების საფუძველზე).

ბ) კანონიერი საფუძვლის გარეშე ყოფნის გამოვლენისას ინფორმაცია ეგზავნება შინაგან საქმეთა სამინისტროს.

გ) შსს უფლებამოსილია განახორციელოს კონტროლი და დააკისროს პასუხისმგებლობა კანონით გათვალისწინებულ შემთხვევებში.

საქართველოს კანონი „შრომითი მიგრაციის შესახებ“ - 2026 წლის ცვლილებები

dadu — Tue, 24 Feb 2026 17:29:28 +0400

საქართველოში უცხოელთა დასაქმების რეგულაციები მნიშვნელოვნად იცვლება.
2026 წლის 1 მარტიდან ამოქმედდა ახალი წესები, რომლებიც სავალდებულოს ხდის შრომითი საქმიანობის უფლებას და ამკაცრებს ადმინისტრაციულ კონტროლს.

თუ თქვენ ეძებთ:

საქართველოს კანონს შრომითი მიგრაციის შესახებ
უცხოელის დასაქმების წესებს
შრომითი საქმიანობის უფლებასთან დაკავშირებულ ინფორმაციას
2026 წლის ცვლილებებს

ეს სტატია წარმოადგენს სრულ, პრაქტიკულ და იურიდიულ გზამკვლევს.

რას არეგულირებს საქართველოს კანონი შრომითი მიგრაციის შესახებ? საქართველოს კანონი „შრომითი მიგრაციის შესახებ“ განსაზღვრავს:

✔ საქართველოს მოქალაქეთა საზღვარგარეთ დასაქმების წესს (შრომითი ემიგრაცია)
✔ უცხოელთა საქართველოში დასაქმების პირობებს (შრომითი იმიგრაცია)
✔ დამსაქმებელთა ვალდებულებებს
✔ საშუამავლო კომპანიების რეგულირებას
✔ ადმინისტრაციულ პასუხისმგებლობას
✔ სახელმწიფო კონტროლის მექანიზმებს

კანონი წარმოადგენს ძირითად სამართლებრივ ჩარჩოს, რომელიც არეგულირებს საქართველოში უცხოელთა შრომით საქმიანობას.

2026 წლის 1 მარტიდან რა შეიცვალა?

ყველაზე მნიშვნელოვანი სიახლეა შრომითი საქმიანობის უფლების სავალდებულო გახდომა.

2026 წლიდან უცხოელს, რომელიც საქართველოში ახორციელებს ანაზღაურებად საქმიანობას, სჭირდება:

✅ შრომითი საქმიანობის უფლება
✅ D1 კატეგორიის საიმიგრაციო ვიზა ან შრომითი ბინადრობის ნებართვა
✅ კანონით განსაზღვრული რეგისტრაცია

ეს ნიშნავს, რომ მხოლოდ შრომითი ხელშეკრულება აღარ არის საკმარისი.

რა უნდა იცოდეს დამსაქმებელმა? თუ კომპანია ასაქმებს უცხოელს, იგი ვალდებულია:

გააფორმოს შრომითი ხელშეკრულება კანონით განსაზღვრული პირობებით
უზრუნველყოს შრომითი საქმიანობის უფლების მიღების პროცედურა
დაარეგისტრიროს უცხოელი შესაბამის სისტემაში
აცნობოს სახელმწიფო ორგანოს ხელშეკრულების შეწყვეტის შესახებ

დარღვევა იწვევს ფინანსურ სანქციებს.

რა ჯარიმებია გათვალისწინებული? 2026 წლის რეგულაციები ითვალისწინებს:

2 000 ლარიან ჯარიმას შრომითი საქმიანობის უფლების გარეშე მუშაობისთვის
ჯარიმას როგორც დამსაქმებლისთვის, ასევე უცხოელისთვის
განმეორებითი დარღვევის შემთხვევაში – ორმაგ და სამმაგ სანქციებს
რეგისტრაციის შეწყვეტასა და შესაძლო გაძევების პროცედურას

ბიზნესისთვის ეს წარმოადგენს რეალურ სამართლებრივ რისკს.

ვის ეხება ეს კანონი? კანონი ეხება:

საქართველოში დასაქმებულ უცხოელებს
თვითდასაქმებულ უცხოელებს
ქართულ კომპანიებს
ინდივიდუალურ მეწარმეებს
საერთაშორისო ორგანიზაციებს
HR მენეჯერებს და იურისტებს

რატომ არის ეს კანონი მნიშვნელოვანი? 2026 წლის ცვლილებებმა:

გააძლიერა შრომის ბაზრის სახელმწიფო კონტროლი
დააწესა ახალი ადმინისტრაციული მექანიზმები
გაზარდა ბიზნესის პასუხისმგებლობა
შექმნა ახალი სამართლებრივი სტანდარტი უცხოელთა დასაქმებისთვის

ნებისმიერი კომპანია, რომელიც თანამშრომლობს უცხოელთან, ვალდებულია გაითვალისწინოს ახალი რეგულაციები.

საქართველოს კანონი „შრომითი მიგრაციის შესახებ“ სრული ტექსტით, მოქმედი რედაქციით და ყველა ცვლილებით ხელმისაწვდომია ჩვენს ბმულზე: https://shorturl.at/Maps0

თუ თქვენ ხართ:

უცხოელი დასაქმებული
ბიზნესის მფლობელი
HR მენეჯერი
იურისტი
ან გეგმავთ უცხოელის დასაქმებას საქართველოში

აუცილებელია 2026 წლის 1 მარტიდან ამოქმედებული რეგულაციების გათვალისწინება.

Georgia Work Permit Reform 2026: Working Without Authorization Is Now Illegal

dadu — Tue, 24 Feb 2026 16:08:18 +0400

Georgia has long been recognized as one of the most open jurisdictions for foreign professionals, entrepreneurs, and digital nomads. Visa-free entry for citizens of numerous countries, simplified tax regimes, and the possibility to register as an Individual Entrepreneur within days created an exceptionally flexible legal environment. For years, foreign nationals could legally reside in Georgia and begin working without obtaining a separate work permit.

That framework has now fundamentally changed.

As of March 1, 2026, most foreign nationals must obtain a government-issued Right to Labour Activity permit before engaging in employment, freelance work, or business activity in Georgia. Working without this authorization is illegal and subject to financial penalties and administrative consequences.

What Changed in 2026?

The reform follows amendments to the Law on Labour Migration and the Law on the Legal Status of Foreigners. The procedural rules were finalized through Government Decree №70, which establishes the mechanisms, deadlines, exemptions, and enforcement procedures of the new system.

Under the new legal regime, holding a valid visa or temporary residence permit no longer automatically grants the right to work. Foreign nationals must obtain a separate labor authorization unless they fall within a specific exempt category.

The state’s objective is to introduce greater oversight of foreign labor participation, ensure alignment with domestic employment policy, and close regulatory gaps that previously allowed economic activity without prior authorization.

Who Must Obtain a Work Permit?

From March 1, 2026, any foreign national who does not hold a permanent residence permit or an investment residence permit must secure a Right to Labour Activity permit before starting paid activity in Georgia.

This requirement applies to individuals employed by Georgian companies, freelancers providing services locally, and foreigners registered as Individual Entrepreneurs. Even if a foreigner already resides legally in Georgia under a temporary residence permit, employment or business activity requires additional authorization.

Who Is Exempt?

Certain categories remain outside the scope of the mandatory permit system. Recognized refugees and asylum seekers are exempt, as are employees of accredited diplomatic missions and international organizations. Accredited foreign journalists and holders of permanent or investment residence permits are also not required to obtain the additional authorization.

Foreign nationals who reside in Georgia but work exclusively for foreign employers or clients without any Georgian business registration or local economic footprint may potentially fall outside the requirement. However, practical interpretation of this category will depend on further regulatory clarification.

How the Application Process Works

The application process differs depending on whether the foreigner is employed by a Georgian company or operates independently.

In employment-based cases, the Georgian employer must first advertise the vacancy on the national employment portal for at least ten working days. This step is intended to demonstrate that no suitable Georgian candidate is available. After this period, the employer may submit the work permit application to the State Employment Promotion Agency.

Certain employers are exempt from the labor market testing requirement. Companies holding International Company status under the Tax Code, accredited academic institutions, and employers offering positions with monthly salaries exceeding 15,000 GEL that objectively require higher education qualifications may proceed without completing the vacancy posting stage.

Self-employed foreigners, including Individual Entrepreneurs, must apply independently through the electronic Labour Migration portal. The procedure requires submission of identification documents, proof of legal stay, business registration materials, evidence of qualifications, and either a business plan or proof of existing economic activity. Applicants must also complete a mandatory video interview with the Agency.

The standard processing period is thirty calendar days. An expedited option is available, reducing the review period to ten working days for a higher state fee.

Restricted Sectors

Government Decree №70 introduces strict restrictions in certain occupations. Foreign nationals are prohibited from obtaining work authorization for courier services, passenger transport driving, and tourist guide activities. These zero-quota limitations apply regardless of employer sponsorship or individual application.

Penalties for Non-Compliance

The financial consequences for working without authorization are significant. A first violation results in a fine of 2,000 GEL imposed on both the foreign worker and the employing company. Repeated violations within a twelve-month period trigger increased penalties, with fines doubling for the second offense and tripling for subsequent breaches.

Authorities are empowered to conduct workplace inspections, impose sanctions, and, where appropriate, initiate deportation procedures. A work permit may also be revoked if the employment relationship ends, if the foreigner leaves Georgia for more than six consecutive months, or if residence documentation expires.

Transitional Deadlines

Foreign nationals who were already registered in the Labour Migration system with active status as of March 1, 2026 are granted a transitional period to regularize their status. They must obtain the required work permit and corresponding residence documentation by January 1, 2027.

Self-employed foreigners who were operating prior to the reform face enforcement starting May 1, 2026. Individuals who were not previously registered must comply with the new requirements immediately.

What This Means for Foreign Professionals and Businesses

Georgia retains many of its attractive features, including competitive tax regimes, visa-free entry for numerous nationalities, and business-friendly incorporation procedures. However, the legal environment has shifted from informal accessibility to structured regulation.

Foreign professionals must now treat work authorization as a mandatory precondition for economic activity. Employers must reassess recruitment timelines, conduct compliance checks, and ensure that foreign staff hold valid permits before engagement.

The 2026 reform marks a decisive transition in Georgia’s migration policy. The country remains open to international talent, but participation in its labor market now requires formal authorization, documented qualifications, and adherence to procedural requirements.

For foreign nationals planning to live and work in Georgia, early legal assessment and proper documentation are no longer optional. They are essential.

როდის იდება ვადიანი/უვადო შრომითი ხელშეკრულება?

user1 — Mon, 10 Apr 2023 14:43:50 +0400

შრომითი ხელშეკრულების ფორმა და ვადები

ხელშეკრულება შეიძლება დაიდოს როგორც ზეპირად, ასევე წერილობით. ზოგჯერ არის შემთხვევები, როდესაც დასაქმებული ყოველგვარი შეთანხმების გარეშე იწყებს განგრძობად შრომას, ხოლო დამსაქმებელი შრომის საპირწონედ მას რეგულარულად უხდის თანხას. ეს ურთიერთობა ხელშესახები შედეგისკენ მიმართულად ვერ ჩაითვლება.

კანონის თანახმად:

თუ ხელშეკრულება 1 თვეზე მეტი ვადით იდება, გამოყენებულ უნდა იქნეს წერილობითი ფორმა.

1 წელზე მეტი ვადით დადებული ხელშეკრულება ითვლება უვადოდ. ეს წესი არ მოქმედებს როცა არსებობს ობიექტური საფუძველი, რაც ლეგიტიმურს გახდის მაგალითად 14 ან 18 თვიანი ხელშეკრულების დადებას. თუ ეს საფუძველი არ ასებობს, 12 თვეზე მეტი ვადით დადებული ხელშეკრულება უვადოდ დადებულად ითვლება.

თუ შრომითი ხელშეკრულების ვადა 30 თვეზე მეტია, ან თუ შრომითი ურთიერთობა ვადიანი ხელშეკრულების მიმდევრობით ორჯერ ან მეტჯერ დადების შედეგად გრძელდება და მისი ხანგრძლივობა 30 თვეს აღემატება, მიიჩნევა, რომ დადებულია უვადო შრომითი ხელშეკრულება.

ვადიანი შრომის ხელშეკრულებები მიმდევრობით დადებულად ჩაითვლება, თუ არსებული ვადიანი შრომითი ხელშეკრულება მისი ვადის გასვლისთანავე გაგრძელდა ან მომდევნო ვადიანი შრომითი ხელშეკრულება პირველი ვადიანი ხელშეკრულების ვადის გასვლიდან 60 დღის ვადაში დაიდო.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

შრომითი დავები-უკანონოდ გათავისუფლება

user1 — Mon, 10 Apr 2023 14:29:20 +0400

სამსახურიდან გათავისუფლება უკანონოდ

ტერმინი უკანონოდ გათავისუფლება გულისხმობს,რომ პირი უკანონო ბრალეულობით(მაგ:დისკრიმინაცია) ან ხელშეკრულების პირობების დარღვევით გაათავისუფლეს სამსახურიდან.

ძირითადად სამსახურიდან გათავისუფლება შეიძლება მხოლოდ მძიმე დისციპლინური გადაცდომის ჩადენის შემთხვევაში.როგორც წესი, აქ იგულისხმება შემთხვევები, როდესაც თანამშრომელი ვერ ასრულებს დაკისრებულ მოვალეობებს ან არღვევს ეთიკურ ნორმებს მუშაობის პერიოდში.

სამსახურის ლიკვიდაციის ან რეორგანიზაციის შემთხვევაშიც ადამიანი მხოლოდ მაშინ უნდა გაათავისუფლონ, თუ მისი სხვა სტრუქტურაში გადაყვანა შეუძლებელია.

თუ პირი მიიჩნევს, რომ ის უსამართლოდ გაათავისუფლეს, მას შეუძლია სასამართლოს მიმართოს. რათქმაუნდა,ადვოკატის დახმარება ძალიან საჭიროა. ადვოკატს უნდა მიეწოდოს გათავისუფლების ბრძანება, დოკუმენტები დისციპლინური წარმოების შესახებ, ასევე ადმინისტრაციული კუთხით ამ საქმეზე შედგენილი ყველა საბუთი რის საფუძველზეც შეაფასებს, რამდენად აქვს დაზარალებულს შანსი საქმე მოიგოს.

დასაქმებულმა სასამართლოში შეიძლება მოითხოვოს:

გათავისუფლების ბრძანების ბათილად ცნობა;
სამსახურში აღდგენა;
იძულებითი განაცდურის ანაზღაურება.

იძულებითი განაცდური გულისხმობს ხელფასის სახით მისაღებ თანხას ,რომელიც დასაქმებულს უნდა მიეცეს მისი გათავისუფლებიდან სამსახურში აღდგენამდე პერიოდისთვის.

ტოლფასი პოზიციის არარსებობის შემთხვევაში სასამართლო განსაზღვრავს კომპენსაციის თანხას.

თუ პირი საჯარო სამსახურში მუშაობდა, მას შეუძლია მოითხოვოს სამსახურში აღდგენა და განაცდურის ანაზღაურება. განაცდურში იმ პერიოდში დაკარგული თანხა იგულისხმება, როდესაც გათავისუფლების გამო ადამიანი ვერ მუშაობდა და, შესაბამისად, ხელფასსაც ვერ იღებდა.სამსახურში ადამიანი უნდა აღადგინონ იმავე ან მის ტოლფას თანამდებობაზე.

სამოქალაქო კანონმდებლობა არეგულირებს როგორც კერძო სექტორში, ასევე არასამთავრობო სექტორსა და სიპ-ებში დასაქმებული პირების უფლება-მოვალეობებს. დაზარალებულმა შესაძლოა მოითხოვოს სამსახურში აღდგენა, მაგრამ შესაძლოა უარი თქვას აღდგენაზე და კომპენსაცია არჩიოს.როგორც წესი, აქ იგულისხმება განაცდური და პლუს თანხა პიროვნების ასაკისა და პროფესიის გათვალისწინებით, რადგან თუ ადამიანი უკვე ასაკოვანია, მას შეიძლება ახალი სამსახურის შოვნა გაუჭირდეს. ასევე მოსამართლე ითვალისწინებს, რამდენად მოთხოვნადია ამ ადამიანის პროფესია შრომის ბაზარზე. კომპენსაცია გაიცემა იმ შემთხვევაშიც, თუ ადამიანის სამსახურში აღდგენა ვეღარ ხერხდება, თუნდაც იმ მიზეზით, რომ სამსახური უკვე გაუქმდა.

შრომითი ხელშეკრულების შეწყვეტის საფუძვლები

user1 — Mon, 10 Apr 2023 13:13:53 +0400

შრომითი ხელშეკრულების შეწყვეტის საფუძვლები:

1) ეკონომიკური გარემოებები, ტექნოლოგიური ან ორგანიზაციული ცვლილებები, რომლებიც აუცილებელს ხდის სამუშაო ძალის შემცირებას.

2) შრომითი ხელშეკრულების ვადის გასვლა – თუ განსაზღვრულია კონკრეტული ვადა, ვთქვათ 2 წელი, ამ ვადის გასვლის შემდგომ შრომითი ურთიერთობა წყდება.

3) შრომითი ხელშეკრულებით გათვალისწინებული სამუშაოს შესრულება- მაგ: თუ თანამშრომელი დაქირავებულია მოსავლის მიღებაში დასახმარებლად, მოსავლის მიღების შემდგომ შრომითი ურთიერთობა წყდება.

4) დასაქმებულის მიერ თანამდებობის/სამუშაოს საკუთარი ნებით, წერილობითი განცხადების საფუძველზე დატოვება – დასაქმებული ვალდებულია არანაკლებ 30 კალენდარული დღით ადრე გააფრთხილოს დამსაქმებელი წინასწიარი წერილობით შეტყობინების გზით. მაგ: თუ დასაქმებულს სურს სამსახურიდან წამოსვლა 31 იანვრისათვის, მან უნდა შეატყობინოს დამსაქმებელს არაუგვიანეს 31 დეკემბრისა.

5) მხარეთა წერილობითი შეთანხმება- მხარეები თავისუფლები არიან შეწყვიტონ შრომითი ურთიერთობა ნებისმიერ დროს, ორმხრივი შეთანხმების გზით.

6) დასაქმებულის კვალიფიკაციის ან პროფესიული უნარ-ჩვევების შეუსაბამობა მის მიერ დაკავებულ თანამდებობასთან/შესასრულებელ სამუშაოსთან. – დამსაქმებელმა უნდა დაასაბუთოს აღნიშნული გარემოებები, რათა ხელშეკრულების შეწყვეტა მართლზომიერად ჩაითვალოს.

7) დასაქმებულმა უხეშად დაარღვია შრომითი ხელშეკრულებით ან/და შრომის შინაგანაწესით დაკისრებული ვალდებულებები.

8) ხანგრძლივი შრომისუუნარობა – დამსაქმებელი უფლებამოსილია შეწყვიტოს შრომითი ურთიერთობა, თუ დამსაქმებელი ზედიზედ 40 კალენდარული დღის განმავლობაში ან 6 თვის განმავლობაში ნებისმიერი 60 კალენდარულ დღე შრომისუუნაროა და გამოყენებული აქვს შვებულება.

9) სასამართლო განაჩენის ან გადაწყვეტილების კანონიერ ძალაში შესვლა, რომელიც სამუშაოს შესრულების შესაძლებლობას გამორიცხავს. მაგ: თუ სასამართლომ დასაქმებულს მიუსაჯა თავისუფლების აღკვეთა დანაშაულის ჩადენისათვის.

10) სასამართლოს მიერ მიღებული და კანონიერ ძალაში შესული გადაწყვეტილება გაფიცვის უკანონოდ ცნობის შესახებ.

11) დამსაქმებელი ფიზიკური პირის ან დასაქმებულის გარდაცვალება- როცა დამსაქმებელი არის ფიზიკური პირი.

12) დამსაქმებელი იურიდიული პირის ლიკვიდაციის წარმოების დაწყება- როცა დამსაქმებელი არის იურიდიული პირი.

13) სხვა ობიექტური გარემოება, რომელიც ამართლებს შრომითი ხელშეკრულების შეწყვეტას – ყველა კონკრეტულ შემთხვევაში უნდა დადგინდეს გარემოებებიდან გამომდინარე.

ხელშეკრულების შეწყვეტისას დამსაქმებელმა ხელშეკრულების შეწყვეტამდე 30 დღით ადრე უნდა შეატყობინოს დასაქმებულს და უნდა გადაუხადოს 1 თვის ხელფასი, ხელშეკრულების შეწყვეტიდან 30 დღის განმავლობაში.თუ შეატყობინებს შრომითი ურთიერთობების შეწყვეტამდე მხოლოდ 3 კალენდარული დღით ადრე ,ასეთ შემთხვევაში იგი ვალდებულია 2 თვის ხელფასი გადაუხადოს დასაქმებულს.

დასაქმებულს უფლება აქვს დამსაქმებლის მიერ გაგზავნილი შეტყობინებიდან (შრომის ხელშეკრულების შეწყვეტის შესახებ) მიღებიდან 30 დღის განმავლობაში გაუგზავნოს მას მოთხოვნა, ხელშეკრულების შეწყვეტის დასაბუთების შესახებ.

წერილობითი დასაბუთება უნდა მოხდეს მოთხოვნის მიღებიდან 7 დღის ვადაში და გაეგზავნოს დასაქმებულს, რის შემდეგაც დასაქმებულს გააჩნია უფლება 30 დღის განმავლობაში სასამართლოში გაასაჩივროს დამსაქმებლის გადაწყვეტილება შრომითი ხელშეკრულების შეწყვეტის შესახებ.

თუ სასამართლო შრომის ხელშეკრულების შეწყვეტას ბათილად ცნობს, დამსაქმებელს შეიძლება დაეკისროს ვალდებულება: პირვანდელ სამუშაო ადგილზე აღადგინოს დასაქმებული ან უზრუნველყოს ის ტოლფასი სამუშაოთი, ან/და გადაუხადოს მას კომპენსაცია სასამართლოს მიერ განსაზღვრული ოდენობით.

შრომითი აუდიტი

user1 — Tue, 20 Dec 2022 10:56:30 +0400

საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს კომპანიებს სთავაზობს შრომითი ურთიერთობების კანონთან შესაბამისობაში მოყვანის სრულ და მრავალმხრივ მომსახურებას, ისევე როგორც ცალკეულ შრომით საკითხებში სამართლებრივ მხარდაჭერას. შრომითი დავები რჩება დამსაქმებელთათვის მაღალი რისკის დავად არსებული სასამართლო პრაქტიკის გამო. მომსახურება მოიცავს:

შრომის აუდიტი, რომელიც წარმოადგენს კომპანიის შრომითი ურთიერთობების მრავალ-ვექტორულ კვლევას, რის საფუძველზეც შევისწავლით კომპანიის შრომით ურთიერთობებში არსებულ რისკებს და საფრთხეებს, გავცემთ რეკომენდაციებს, შრომითი რისკების პრევენციისა და შრომის კანონმდებლობის დარღვევების აღმოფხვრისთვის;
შრომის ხელშეკრულებებისა და შინაგანაწესის შრომის კანონმდებლობასთან შესაბამისობაში მოყვანა;
თანამშრომლებთან სავალდებულო კონსულტაციისა და ინფორმირების პროცედურის შექმნა და დანერგვა;
შევიწროებისა და დისკრიმინაციის წინააღმდეგ სავალდებულო რეგულაციების და პროცედურის დანერგვა;
პროფესიულ კავშირებთან ურთიერთობა, კოლექტიური მოლაპარაკებების წარმოება;
შიდა შრომითი მედიაცია, შრომითი დავების პრევენცია, ინდუსტრიული ურთიერთობების სამართლებრივი მხარდაჭერა;
შრომით დავებში სასამართლო წარმომადგენლობა;
შრომის ინსპექციის სანქციების გასაჩივრება;

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში;

ადმინისტრაციულ ორგანოებში, საელჩო, საკონსულო, იუსტიციის სახლში და სამინისტროებში;

სამართლებრივი ურთიერთობის რეგულირებას ფიზიკურ და იურიდიულ პირებთან;

სტრასბურგის - ადამიანის უფლებათა ევროპულ სასამართლოში;

მეწარმეთა შესახებ კანონში შესული ცვლილებები სრულად (შპს)შეზღუდული პასუხისმგებლობის საზოგადოებაზე

dadu — Fri, 21 Jan 2022 21:31:05 +0400

რა იცვლება “მეწარმეთა შესახებ” ახალი კანონით?

მეწარმეთა შესახებ კანონში 2022 წლის 1 იანვარს ძალაში შესული ცვლილებების შესახებ ისაუბრებს იურიდიული კომპანია ,, ნაკაშიძე და პარტნიორები“-ს ხელმძღვანელი, იურისტი ნათია ნაკაშიძე.

რა ცვლილებები განხორციელდა სამეწარმეო კანონმდებლობაში?

საქართველოს სამეწარმეო კანონმდებლობაში განხორციელდა არსებითი ცვლილებები, რომელიც 2022 წლის 1 იანვრიდან ძალაში შევიდა და ამოქმედდა. მეწარმეთა შესახებ კანონი ფაქტობრივად სრულად ხელახლა დაიწერა, რაც სხვადასხვა მიზეზით იყო გამოწვეული.

მეწარმეთა შესახებ კანონი, პირველად 1994 წელს იქნა მიღებული და მასში მრავალი წლის განმავლობაში არაერთი ცვლილების მიუხედავად საკმაოდ მოძველებული და ბუნდოვანი იყო. საჭირო გახდა მისი ახლებურად მოწესრიგება და რაც მთავარია საქართველოს სამეწარმეო სამართლის დაახლოება ევროკავშირის კანონმდებლობასთან.

შეზღუდული პასუხისმგებლობის საზოგადოება

(შპს) შპს-ის წილების სახეები ახალი მეწარმეთა შესახებ კანონის ერთ-ერთ მნიშვნელოვან სიახლეს წარმოადგენს შპს-ში კაპიტალის მოზიდვის გამარტივება, რაც ნებადართული წილების დასაშვებობასა და წილების განსხვავებული კლასების გამოშვების შესაძლებლობაში გამოიხატება.

ახალი კანონის მიხედვით, კაპიტალის სტრუქტურა უფრო მოქნილია და ის სააქციო საზოგადოების კაპიტალის ძირითად ნიშან-თვისებებს იზიარებს. აღნიშნული სიახლე ინვესტორებს გაუადვილებს საზოგადოების დაფინანსებას, კომპანიაში წილის სანაცვლოდ.

კანონი ითვალისწინებს შპს-ის კაპიტალის დაყოფას განთავსებულ, გამოშვებულ და ნებადართულ წილებად.

Ამით შპს-ს დაემატა სააქციო საზოგადოების მსგავსი მექანიზმი.

განთავსებული წილი - წილი განთავსებულად მიიჩნევა, თუ ის გასცა შპს-მ სხვა პირზე გარკვეული საზღაურის სანაცვლოდ, მიუხედავად იმისა, მიღებული აქვს თუ არა ამ საზოგადოებას ეს საზღაური. განთავსებული წილი უნდა განვასხვავოთ განთავსებული კაპიტალისგან, რომლის მთავარი ფუნქცია დაფუძნებისას საზოგადოების საწყისი კაპიტალის ფორმირებაა (ე.წ: საწესდებო კაპიტალი (statutory capital, legal capital, charter capital, subscribed capital) და მხოლოდ სააქციო საზოგადოების შემთხვევაშია სავალდებულო.

გამოშვებული წილი - წილები, რომელთა განთავსების შესახებ გადაწყვეტილებაც პარტნიორთა გადაწყვეტილებით ან წესდებით განსაზღვრულმა ორგანომ მიიღო ან პარტნიორებმა მიიღეს. გამოშვებული წილები რეესტრში აღირიცხება და განთავსებამდე უფლებებსა და მოვალეობებს არ წარმოშობს. წილების განთავსებას ახორციელებს შპს-ის ხელმძღვანელი.

ნებადართული წილი - წილი, რომელიც პარტნიორთა გადაწყვეტილების შესაბამისად შესაძლოა მომავალში იქნეს გამოშვებული და განთავსებული. ნებადართული წილის ოდენობა, კლასი, შეზღუდული პასუხისმგებლობის საზოგადოების კაპიტალში შესაბამისი წილი, აგრეთვე მისი ნომინალური ღირებულება (თუ ასეთი ღირებულება დადგენილია) შეზღუდული პასუხისმგებლობის საზოგადოების სადამფუძნებლო შეთანხმებაში უნდა აისახოს.

ახალი მეწარმეთა შესახებ კანონის თანახმად წილები შეიძლება იყოს ნომინალური ღირებულების ან ასეთის არმქონე. თუ შპს-ს აქვს მხოლოდ ნომინალური ღირებულების მქონე წილები, განთავსებული კაპიტალის ოდენობა უნდა შეადგენდეს ნომინალური ღირებულების მქონე წილების ჯამს.

თუ შპს-ს განთავსებული აქვს მხოლოდ ნომინალური ღირებულების არმქონე წილები, განთავსებული კაპიტალი შეიძლება განისაზღვროს ნებისმიერი ოდენობით. განთავსებული კაპიტალი აუცილებლად ეროვნულ ვალუტაში უნდა იყოს გამოსახული.

წესდებით შესაძლოა წილები დაიყოს კლასებად. წილები, რომლებიც იდენტურ უფლებებსა და ვალდებულებებს წარმოშობს, წილების ერთ კლასში გაერთიანდებიან, შესაბამისად ერთი კლასის ყველა წილის ნომინალური ღირებულება ერთი და იგივე უნდა იყოს.

შპს-ის მიერ გამოშვებული ახალი წილების უპირატესი შესყიდვის პარტნიორების უფლების გამოყენება გაიზარდა 10-დან 14 დღემდე.

დივიდენდის განაწილება კანონმდებელმა დააწესა ახალი შეზღუდვა დივიდენდის განაწილებაზე: დივიდენდის პარტნიორებზე განაწილება დაუშვებელია, თუ დიდია ალბათობა, რომ ამის შედეგად შპს მომდევნო კალენდარული წლის განმავლობაში ვერ შეძლებს ვადამოსული ვალდებულებების ჩვეულებრივი ან/და დაგეგმილი საქმიანობის ფარგლებში შესრულებას. ასევე დაუშვებელია დივიდენდის პარტნიორებზე განაწილება, თუ ამის შედეგად შპს-ს აქტივები ვეღარ დაფარავს ვალდებულებებსა და განთავსებული კაპიტალის ოდენობას.

საკუთარი წილის შეძენა შპს-ის მიერასევე მნიშვნელოვანი სიახლეა, რომ კანონმა პირდაპირ დაუშვა საკუთარი წილის შეძენა შპს-ის მიერ, რომლის მისაღები შენატანი სრულად არის განხორციელებული. დაუშვებელია შპს-ის მიერ საკუთარ კაპიტალში იმ წილის სრულად შეძენა, რომელიც იძლევა შეუზღუდავ ხმის უფლებას ან შპს-ის ლიკვიდაციის პროცესის დასრულებისას მისი ქონების მიღების უფლებას. თუკი შპს მაინც განახორციელებს ამ მოქმედებას საკუთარ კაპიტალში შეძენილი წილი უნდა გაიყიდოს ან გაუქმდეს იმ კალენდარული წლის დასრულებამდე, რომელშიც ის იქნა შეძენილი.

განთავსებული კაპიტალი მნიშვნელოვანია რომ შპს-ის მინიმალური განთავსებული კაპიტალის დაწესების ვალდებულება კვლავ არ გვხვდება. კომპანიის შპს-ს სახით დაფუძნება შესაძლებელია განთავსებული კაპიტალის გარეშე, თუმცა ეს წესი არ ზღუდავს საზოგადოებას, დააწესოს მინიმალური საწესდებო კაპიტალი.

ახალი კანონი ასევე ადგენს პარტნიორის გასვლის/გარიხცვის წინაპირობებსა და პროცედურებს.

საზოგადოებიდან პარტნიორის გასვლა ისევე როგორც წინა კოდექსში - პარტნიორს შეუნარჩუნდა უფლება გავიდეს საზოგადოებიდან, თუმცა დაკონკრეტდა დამატებითი შემთხვევები როდესაც მას ასევე შეუძლია გავიდეს საზოგადოებიდან. კერძოდ, მას შეუძლია გავიდეს საზოგადოებიდან, თუ მის ინტერესებს ადგება მნიშვნელოვანი ზიანი სხვა პარტნიორების ან ხელმძღვანელის ქმედებების გამო ან არსებობს შემდეგი საფუძვლები:

ა) მნიშვნელოვნად შეიცვალა შეზღუდული პასუხისმგებლობის საზოგადოების საქმიანობის საგანი;

ბ) შეზღუდული პასუხისმგებლობის საზოგადოებას დივიდენდი ბოლო 3 წლის განმავლობაში არ გაუნაწილებია, მიუხედავად იმისა, რომ შეზღუდული პასუხისმგებლობის საზოგადოების ფინანსური მდგომარეობა ამის საშუალებას იძლეოდა;

გ) შეზღუდული პასუხისმგებლობის საზოგადოებამ მიიღო წილების რომელიმე კლასთან დაკავშირებული უფლების ცვლილებას შესახებ გადაწყვეტილება;

დ) სხვა პარტნიორებმა მიიღეს გადაწყვეტილება დამატებითი შენატანის განხორციელების ვალდებულების შესახებ, რომელიც მასზეც ვრცელდება.

შპს-დან გასვლის მსურველი პარტნიორის წილის ღირებულება უნდა დადგინდეს მხარეთა შეთანხმებით, შეუთანხმებლობის შემთხვევაში ინიშნება აუდიტორი.

საზოგადოებიდან პარტნიორის გარიცხვა მნიშვნელოვანი საფუძველის არსებობის შემთხვევაში, პარტნიორის საზოგადოებიდან გარიცხვა შესაძლებელია მხოლოდ შპს-ს სარჩელის საფუძველზე, სასამართლოს გადაწყვეტილებით.

მნიშვნელოვანი საფუძველი არსებობს, როდესაც პარტნიორის ქმედება მნიშვნელოვან ზიანს აყენებს შპს-ის ინტერესებს ან მისი პარტნიორად დარჩენა საზიანოა შპს-ის შემდგომი საქმიანობისთვის, თუ პარტნიორი შპს-მ წერილობით უშედეგოდ გააფრთხილა შპს-ის ინტერესების დამაზიანებელი ქმედების შეწყვეტისა და შესაძლო გარიცხვის შესახებ.

საზოგადოების მოთხოვნის საფუძველზე შესაძლოა პარტნიორს შეუჩერდეს ხმის მიცემის უფლება ან სხვა არაქონებრივი უფლებები. პარტნიორი გარიცხულად მიიჩნევა სასამართლოს გადაწყვეტილების კანონიერ ძალაში შესვლის მომენტიდან.

საზოგადოებიდან გასული ან გარიცხული პარტნიორის ქონებრივი უფლებები დაცულია საწარმოს ვალდებულებით, წილის სანაცვლოდ მას გადაუხადოს პარტნიორს სამართლიანი კომპენსაცია.

სიახლეს წარმოადგენს ტექნიკური საშუალების გამოყენებით საერთო კრებაში ხმის მიცემა. მიცემული ხმა მხოლოდ მაშინ იქნება გათვალისწინებული, თუ შესაძლებელია ხმის უფლების გამოყენების უფლებამოსილების მქონე პირისა და შესაბამისი წილების სარწმუნო იდენტიფიცირება. ნების ელექტრონული კომუნიკაციის საშუალებით გამოვლენისას აუცილებელია, იგი დადასტურდეს ნოტარიუსის მიერ ან ელექტრონული ხელმოწერით.

მეწარმეთა შესახებ კანონში შესული ცვლილებები- შეტყობინების ჩაბარების წესის ცვლილება. გასაჩივრების უფლებამოსილება და ვადები

dadu — Thu, 20 Jan 2022 22:25:57 +0400

რა იცვლება “მეწარმეთა შესახებ” ახალი კანონით?

მეწარმეთა შესახებ კანონში 2022 წლის 1 იანვარს ძალაში შესული ცვლილებების შესახებ ისაუბრებს იურიდიული კომპანია ,, ნაკაშიძე და პარტნიორები“-ს დირექტორი, იურისტი ნათია ნაკაშიძე.

რა ცვლილებები განხორციელდა სამეწარმეო კანონმდებლობაში?

საქართველოს სამეწარმეო კანონმდებლობაში განხორციელდა არსებითი ცვლილებები, რომელიც 2022 წლის 1 იანვრიდან ძალაში შევიდა და ამოქმედდა.

მეწარმეთა შესახებ კანონი ფაქტობრივად სრულად ხელახლა დაიწერა, რაც სხვადასხვა მიზეზით იყო გამოწვეული.

საქართველოს პარლამენტმა 2021 წლის 2 აგვისტოს მიიღო მეწარმეთა შესახებ ახალი კანონი, რომელიც ძალაში შევიდა 2022 წლის 1 იანვრიდან. კანონზე მუშაობა მიმდინარეობდა მრავალი წლის განმავლობაში, თუმცა მთავარი მამოძრავებელი ძალა აღნიშნული კანონის მიღების იყო საქართველოს ვალდებულება ევროკავშირის წინაშე. აღნიშნულ სიახლეებს მოგაწვდით ეტაპობრივად სტატიებში, ამჟამად განვიხილავთ,მხოლოდ მარეგისტრირებელი ორგანოს შეტყობინების ჩაბარების წესის,შეცილება. გასაჩივრების უფლებამოსილება და ვადები საკანონმდებლო ცვლილებებსა და სიახლეებს,რაც თითოეული კომპანიისთვის მნიშვნელოვანია, ვინაიდან გასაჩივრების ვადა არ შეიძლება დადგინდეს ადმინისტრაციული ორგანოს მიერ ადმინისტრაციულ-სამართლებრივი აქტის გამოცემის ვადის დარღვევის შემთხვევაში,ასევე ადმინისტრაციულ-სამართლებრივი აქტის გასაჩივრებისათვის დადგენილი ვადის გაშვების შემთხვევაში მისი აღდგენა შესაძლოა მოხდეს მხოლოდ მაშინ, თუ ამ ვადის გაშვება მოხდა დაუძლეველი ძალის ან სხვა საპატიო მიზეზით.

ადმინისტრაციული ორგანოს ქმედება, ზოგადი ადმინისტრაციული კოდექსის 180-ე მუხლის შესაბამისად, უნდა გასაჩივრდეს ერთი თვის ვადაში იმ დღიდან, როდესაც შესაბამისი დაინტერესებული მხარისათვის ცნობილი გახდა ამ მოქმედებათა განხორციელების ან განხორციელებისაგან თავის შეკავების შესახებ.

ზოგადად ადმინისტრაციული საჩივარი წარდგენილ უნდა იქნეს ადმინისტრაციულ-სამართლებრივი აქტის გამოქვეყნების ან ოფიციალური წესით გაცნობის დღიდან ერთი თვის ვადაში, თუ კანონმდებლობით სხვა რამ არ არის დადგენილი.

მაგ.კამერალური საგადასახადო შემოწმების აქტის საფუძველზე გმოცემული შემოსავლების სამსახურის აუდიტის დეპარტამენტის ბრძანება- გადასახადების/გადასახდელების და საგადასახადო სანქციების თანხების დარიცხვის/შემცირების შესახებ საქართველოს საგადასახადო კოდექსის 61-ე და 268-ე მუხლების თანახმად გამოცემულის გასაჩივრდება მოხდება საქართველოს საგადასახადო კოდექსის XIV კარით დადგენილი წესით, მისი ჩაბარებიდან 30 დღის ვადაში, საქართველოს ფინანსთა სამინისტროს სისტემაში - წერილობითი ან ელექტრონული (www.rs.ge) ფორმით საჩივრის შემოსავლების სამსახურში (მისამართი: ქ. თბილისი, ვ. გორგასლის ქ. N16 ან ქ. ქუთაისი, ჯავახიშვილის ქ. N5) წარდგენის გზით, აგრეთვე თბილისის საქალაქო სასამართლოში (მისამართი: ქ.თბილისი, დავით აღმაშენებლის ხეივანი N64) ან ქუთაისის საქალაქო სასამართლოში (მისამართი: ქ. ქუთაისი, კუპრაძის ქ. N11) საქართველოს კანონმდებლობით დადგენილი წესით.

მნიშვნელოვანია ის, რომ საჩივრის წარდგენის შემდეგ შემოსავლების სამსახურის საგადასახადო ბრძანება შეიძლება გასაჩივრდეს საქართველოს ფინანსთა სამინისტროსთან არსებულ დავების განხილვის საბჭოში (მის.: ქ. თბილისი, ვახტანგ გორგასლის ქ. No16) ან თბილისის საქალაქო სასამართლოში (მის.: ქ. თბილისი, დავით აღმაშენებლის ხეივანი No64), საქართველოს საგადასახადო კოდექსის XIV კარით დადგენილი წესის შესაბამისად, ამ ბრძანების ჩაბარებიდან 20 კალენდარული დღის ვადაში.

განხორციელებულია ცვლილებები, რომლებიც წინა კანონში არ იყო გათვალისწინებული, ან იყო, მაგრამ ახალი კანონში დაზუსტდა ან /და დაკონკრეტდა.

“მეწარმეთა შესახებ” ახალი კანონით მარეგისტრირებელი ორგანოს შეტყობინების ჩაბარების წესი

ახალი კანონი ითვალისწინებს მარეგისტრირებელი ორგანოს შეტყობინების ჩაბარების წესს.

მარეგისტრირებელი ორგანოს მიერ გაგზავნილი შეტყობინება ჩაბარებულად ჩაითვლება

1. მეწარმის მიერ გაცნობისთანავე;

2. იურიდიულ მისამართზე ჩაბარების მომენტიდან ან

3. ელექტრონულ მისამართზე განთავსებიდან მე-15 დღეს.

მეწარმეებთან საკომუნიკაციოდ და ელ. სერვისების მისაწოდებლად მარეგისტრირებელმა შექმნა ელ. პორტალი. ელექტრონულ მისამართად უწოდებენ ამ ელ. პორტალზე არსებულ მეწარმის ავტორიზებული მომხარებლის გვერდს. მოსალოდნელია, რომ ეს იქნება ისეთივე გვერდი როგორიცაა საგადასახადო ორგანოსთან გადასახადის გადამხდელის საკომუნიკაციო გვერდი https://rs.ge, რომელიც წარმატებით მუშაობს საქართველოში. ელექტრონული მისამართის არსებობა, მარეგისტრირებელ ორგანოსა და საზოგადოებას შორის კომუნიკაციას ბევრად მოსახერხებელს გახდის. სავარაუდოდ, მარეგისტრირებელი ორგანოს მხრიდან ფიზიკურად წერილის გაგზავნა მოხდება მხოლოდ უკიდურეს შემთხვევებში მოხდება, რაც გაცილებით ეფექტურს გახდის საკორპორაციო სამართლებრივი საკითხების სახელმწიფოს მხრიდან დარეგულირებას.

“მეწარმეთა შესახებ” ახალი კანონით შეცილება. გასაჩივრების უფლებამოსილება და ვადები

კანონში ცალკე თავი ეთმობა ხანდაზმულობას და შეცილებას, გასაჩივრების უფლებამოსილებასა და ვადებს. სიახლეა შეცილების უფლება, რომლის ზოგად ვადად 6 თვე განისაზღვრა. ნორმა განსაზღვრავს პირთა წრეს, რომლებსაც საერთო კრების გადაწყვეტილების, სამეთვალყურეო საბჭოსა და ხელმძღვანელი ორგანოს/ხელმძღვანელი პირის გადაწყვეტილების შეცილების უფლება აქვთ. სარჩელი შეცილების შესახებ შეტანილ უნდა იქნეს 1 თვის ვადაში (არაუგვიანეს გადაწყვეტილების მიღების დღიდან 6 თვისა), ხოლო თუ საერთო კრება კანონის ან წესდების მოთხოვნათა უხეში დარღვევით იქნა მოწვეული ან ჩატარებული − გადაწყვეტილების მიღების დღიდან არაუგვიანეს 1 წლისა. კანონი იმპერატიულად ადგენს, რომ გადაწყვეტილების გასაჩივრების გაშვებული ვადის აღდგენა დაუშვებელია.

ადვოკატის ნომერი 599505578

dadu — Wed, 20 Oct 2021 15:29:02 +0400

⚫️ ნაკაშიძე & პარტნიორები / იურიდიული კომპანია ნაკაშიძე და პარტნიორები

🟡 იურიდიული კონსულტაცია - 📱599 50 55 78 (viber, whatsApp)

⚫️ იურიდიული კომპანია ნაკაშიძე & პარტნიორები ნებისმიერი საკითხის და სირთულის საქმეზე -მთელი საქართველოს მასშტაბით, იტალიასა და ევროპაში, ამერიკაში, აზიაში, ჩინეთში,იაპონიაში მსოფლიოს ყველა ქალაქში გაგიწევთ იურიდიულ მომსახურეობას საერთაშორისო დონეზე.

საერთო სპეციალიზაციით, (სისხლი, სამოქალაქო, ადმინისტრაციული სამართალი). წარმომადგენლობის საკონსტიტუციო დავის, სისხლის, სამოქალაქო ან ადმინისტრაციული სამართლის საქმეზე სასამართლოში, არბიტრაჟში, დაკავებაში, გამოძიების ორგანოებში; საქმის წარმოების ადმინისტრაციულ ორგანოებში, მესამე პირის მიმართ საჭიროა დოკუმენტაციის მომზადება და კლიენტის სახელი ნებისმიერი დოკუმენტაციის წარდგენა.

1) საოჯახო დავები (განქორწინება, ალიმენტი, ბავშვის საცხოვრებელი ადგილის განსაზღვრა, წილის ბინიდან გამოყოფა განქორწინებისას, თანამესაკუთრე ცნობა და სხვა).
2) სამემკვიდრეო დავები (სამკვიდრო წილის მიღება და სხვა).
3) უძრავი ქონების დაკანონება (მიწის ლეგალიზება, საჯარო რეესტრი და სხვა).

4) მშენებლობის უფლება- (პროექტირება, ნებართვები, არქიტექტურული დოკუმენტაციის შედგენა, შიდა და გარე დიზაინი და სხვა )

5) სახელშეზღუდული დავები (ჩუქების, ნასყიდობის ხელშეკრულების გაუქმება / ბათილად ცნობა და სხვა).

6) კორპორატიული მომსახურეობა - ( ფირმების შერწყმა და შეძენა, კორპორატიული რესტრუქტურიზაცია, საზღვრებში მიღწეული ოპერაციები და ა.შ.)

7) საჭირო დოკუმენტების საქართველოში გამოთხოვა, თარგმნა, აპოსტილით დამოწმებული უზრუნველყოფა და გამოქვეყნება;

8) სანივთო, ვალდებულებითი დავების წარმოება.

9) უდავო წარმოება (სახელწოდება და გვარში შეცდომა, ქორწინების ფაქტის დადგენა, სამკვიდროს ფაქტობრივი ფლობით მიღება და სხვა).
10) ე.წ "ატსტუპნიკთა" დავები.

11) ნებისმიერ კერძო კომპანიასთან სახელშეკრულებო დავის წარმოება.

12) ბანკებთან ან მიკროსაფინანსო ორგანიზაციებთან დავებისას ჯარიმების, პირგასამტეხლოს შემცირება.

13) სამეწარმეო სამართალწარმოება (წესდების შედგენა,ხელშეკრულებების კანონით მორგება თქვენს კომპანიაზე, ფირმების რეგისტრაცია და ა.შ.).

14) კერძო და ფიზიკურ პირთა იურიდიული მომსახურება სისხლის სამართლის ნებისმიერი სირთულის მქონე საქმეზე გამოძიების ეტაპზე და ყველა ინსტანციის სასამართლოში;
15) გამოძიების, წინასასამართლო და საქმის არსებითი განხილვის ეტაპზე ბრალდებულის დაცვა და მასზე საადვოკატო მომსახურების გაწევა;
16) ბრალდებულთა /მსჯავდებულთა მონახულება სასჯელაღსრულების დაწესებულებებში და მათთვის საადვოკატო მომსახურების გაწევა.
17) მოლაპარაკებების წარმოება პროკურატურასთან საპროცესო შეთანხმების გაფორმების თაობაზე.

18) დაზარალებულის ინტერესების დაცვა გამოძიების ეტაპზე და სასამართლოში.

19)უცხო ქვეყნის სასამართლოს მიერ მიღებული გადაწყვეტილების საქართველოში ცნობა და აღსრულება;

20) და სხვა ნებისმიერი სახის და სირთულის მქონე საქმის წარმოება.

ფასი, ყოველ კონკრეტულ შემთხვევაში განისაზღვრება საქმის სირთულისა და ინდივიდუალური გარემოებებიდან გამომდინარე.

⚫️ესტუმრეთ ჩვენს საიტს Www.advokati.add.ge

გამოიწერეთ ჩვენი ფეისბუქის გვერდი, ინსტაგრამის გვერდი და და ფასდაკლება საინტერესო სიახლეებთან ერთად.

🟡 ფეისბუქის გვერდი shorturl.at/cjKMN - ნაკაშიძე & პარტნიორები / იურიდიული კომპანია ნაკაშიძე და პარტნიორები

⚫️ ინსტაგრამის გვერდი- https://www.instagram.com/iuridiuli_momsaxureoba/

კონსულტაციისთვის დაგვიკავშირდით 📱599 50 55 78 (viber,whatsApp)
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)